"Өрт қауіпсіздігі, техника қауіпсіздігі" тақырыбында сынып сағаттары өткізілді
№24 лицедің 5-11 сынып оқушыларымен "Өрт қауіпсіздігі, техника қауіпсіздігі" тақырыбында сынып сағаттары өткізілді.
Сынып сағатының мақсаты: Оқушылардың өрт қауіпсіздігі, техника қауіпсіздігі ережелері туралы білімдерін арттыру, үнемі сақ жүруге, ең басты құндылық – адамның өмірі екенін естен шығармауға баулу.
Өрт – бұл адамның өмірі мен денсаулығына, қоғам мен мемлекетке зиянын тигізетін, қоршаған ортаға үлкен материалдық зақым келтіретін, қоршаған ортадағы заттардың бақылаусыз жануы. Өрт оқиғалары негізінен тұрғын секторда туындап отыр. Яғни, өрт басқа орындарға қарағанда азаматтардың үйлерінде жиі орын алады. Міне, осы жағдайларды ескере отырып өрт қауіпсіздігінің алдын алу мақсатында сынып сағатында балалар оның шығу себептері, олардан сақтану, болдырмау ережелерімен танысып өтті.
