2019 жылдың ақпан айында ұйымдастырылған Республикалық «Өнерпаз болсаң» атты телебайқауға қатысып, І орын иеленген №24 лицейдің «Ақ Нарын» квартеті марапатталды.

Алмалы ауданының ұйымдастыруымен «Тәуелсіздік күніне» орай өткізілген спартакиада жеңімпазы болып І орынды «№24 лицей» командасы иеленді.

Қалалық ғылыми жоба сайысы бойынша математика пәнінен ІІІ дәрежелі, информатика пәнінен ІІ дәрежелі, география пәнінен ІІІ дәрежелі орындар иеленді. Жетекшілері: математика пәнінің мұғалімдері Г.А.Турумбетова, А.Б.Картабаева, география пәнінің мұғалімі Саипова М.А., информатика пәнінің мұғалімдері Г.О.Тунгишбаева, Бекбатырова Н.Н.

2018-2019 оқу жылында аудандық пәндік олимпиада жеңімпаздары

ХІ аймақтық Президенттік олипиадада математика, биология пәндерінен 11 «А» сынып оқушысы Әмірхан Асқар ІІІ орын, математика пәнінен 11 «А» сынып оқушысы Хамзина Махаббат І орын иеленді.

Республикалық «Өрлеу» институтының тапсырысымен «Мектепішілік бақылауды жүргізудің тиімді жолдары мен бағыттары» тақырыбында республикалық семинар өткізілді. Семинардың мақсаты: өңірлік мектеп директорларымен мектепішілік бақылау бойынша іс-тәжірибемен бөлісу. Республикалық семинарда ашық сабақ берген, белсенді атсалысқан мұғалімдер «Өрлеу» институтының директоры Ж.Мақатованың алғыс хатымен марапатталды.

Жастар жылына орай Алмалы аудандық білім бөлімі мен «Ұстаз» кәсіподақ ұйымының ұйымдастыруымен Алмалы ауданы ұстаздарының арасында өткен «Отаным, сені жырлаймын» атты көркемсөз шебері мен әншілер байқауына лицейіміздің қазақ тілі мен әдебиеті пәнінің мұғалімі Баймұхамбетова Динара Бақытқызы қатысып Бас Жүлдені жеңіп алды.

Тұңғыш президент күніне орай қала әкімі өз саласында үздік танылған педагогтармен кездесті. Шара барысында білім саласының 50 қызметкері салтанатты түрде ұлықталып, ноутбук сыйға тартылды. Қала басшысының марапатына ие болған дардың бірі лицейіміздің қазақ тілі мен әдебиеті пәнінің мұғалімі Баймухамбетова Динара Бақытқызы барша ұстаздардың атынан алғыс сөз сөйлеп, жылы лебізін білдірді.